மழைக்காலம்

ஒரு மழைக்காலத்தில்

நீ நின்றிருந்த நிறுத்தத்தில் நானும்

நெடுநேரக் காத்திருப்பிற்குப்பின்

வந்த இடியையடுத்து

அறிமுகப்படுத்திக்கொண்டோம்

அதற்குப்பின் ஆரம்பித்தது

ஓயாத மழையொன்று.

************************************************************

ஒவ்வொரு மழைக்காலத்திலும்

குடையை மறந்த நாட்கள்

நினைவுபடுத்தும்

அவளின் தாவணியை.

************************************************************

உன்னை நனைக்கும் ஆசையில்

நீ குடையெடுத்த நாட்களில்

பெய்வதில்லை மழை.

************************************************************

ஒவ்வொரு மழைக்காலமும்

கிண்டல்செய்கின்றன

உன்னுடன் நடக்கையில்

குடைக்குள்ளும் நனைந்ததுபற்றி.

************************************************************

எதிர்பாராத மழையால்

முழுவதுமாய் நனைந்திருந்தாய்

முன்பைவிடவும் உன்னை அழகாக்கிய

மழையைத் திட்டியபடி

தலைதுவட்டச்சென்ற

உன் கால்தடங்களில் நடைபழகவே

ஒளித்துவைக்கவெண்டும் உன் குடையை.

************************************************************